ليتكـ تفهمين ..!

]إلى : أَبْرَاج .. بنجومه اللامعة :







لكم يتقزم قلمي .. وأنا أجبره على ان يمنحكم لحظات انتشاء ..



فقط لأنه لا يقوى على منحها للنشوة ذاتها ..


هذه إحدى تجاربي وباكورة مشاركاتي هنا .. أتمنى أن تحوز إعجابكم









إليها :



جمعت بقايا أوراقي الممزقة .. كلماتي المبعثرة .. حروفي المشتتة ..


وجئتكِ بأغنية الترجي " ليتك تفهمين "









[center]فِي حَيَاتِي ..

ألْف قِصّة

ألْف يَوْم .. غِيرَ آلاَف الّليَالِي ..

وَفِي خَيَالِي ؛

فِيْ المَسَاحَاتِ الخَوالِي ..

ألف قِصّة ..


بَعْضهَا

فِي بِدَايتْهَا ابْتسَامَة

لكِنْ كُلّهَا .. تُختَم بِغُصَة ..


كُلَ هَذَا فِي حَيَاتِي

بَس ليتِك تفْهَمِين ..

انكِ انتي يا غناتي

سلوتي في كل حين ..


سكرتي
صحوي
ثباتي ..

نشوتي ..
بالله افهمين ..

عاتبيني ..
لين يحرق صفحتي السودا .. عتابك ..

واظلميني ..
لين تشرق صفحتي البيضا بعذابك ..

واطعنيني ..
لين يتصفى .. حسابك

لين يتردم خطاي ؛

ولين يتقدم صوابك ..

عاتبيني

واظلميني

واذبحيني بعد ..

كانك الا تقدرين ..


بس ليتك تفهمين ..

ان كل اللي مضى لحظات طيش
وان حبك قد محاها ..

وان كل اللي مضى لو كان ريش
ريح عشقك قد خذاها ..

وان رابع مستحيل

ان يفكر خافقي لحظة يعيش
صفحاتٍ قد طواها ..

تسأليني .. ليش ؟؟

أقول :

لانك انتي منتهاها ..

تسأليني وتسأليني وتسألين ..

ويخبرك صمتي أنين :

آآآآآآه ليتك تفهمين ..

ان قلبي مملكة .. وانتي المليكة

باختصار .. انتي وما في لك شريكة ..

وانك انتي ريفها وانتي الحضر ..

وانك انتي كل ما فيها ..

مدنها والعواصم ..

وانك انتي الشعب ؛

والدولة ؛

وانتي مجلس النواب فيها

والمحاكم ..



مملكة ..

دستورها الحب الحلال

والحدود ..

انتي الحدود

من الجنوب الى الشمال ..


وعيدها ..

كل الثواني

والدقايق والسنين ..

والأماني كلها .......

أرجوكِ

ليتك تفهمين ..



ادري اني اعشقك

أهواكِ

يا حلم السنين ..

وادري انك راحتي .. روحي

أيا صوتي الشجين ..

وادري انك

يا حياتي

قد بدأتي تفهمين ..